ՎՍՀ-ում Հայաստանի Հանրապետության դեսպան Վահրամ Կաժոյանի և ՎՍՀ Պետական բանկի կառավարիչ պրն․ Լե Մին Հունգի միջև հանդիպում:

28 նոյեմբերի, 2019

Նոյեմբերի 28-ին Վիետնամում ՀՀ դեսպան Վահրամ Կաժոյանը հանդիպել է ՎՍՀ Պետական բանկի կառավարիչ պրն․ Լե Մին Հունգի հետ։

Լե Մին Հունգը ողջունեց դեսպան Կաժոյանին և վկայակոչելով հայ-վիետնամական բարեկամական հարաբերությունների բարձր մակարդակը և խորացման ընթացքը տեղեկացրեց, որ ՎՍՀ Պետական բանկը պատրաստ է համագործակցել ՀՀ Կենտրոնական բանկի հետ՝ երկու բարեկամ երկրների առևտրատնտեսական համագործակցության խթանման նպատակով։

Հանդիպման ընթացում մանրամասն քննարկվեցին երկու երկրների պետբանկերի համագործակցության, 2020թ-ին Հայ-վիետնամական միջկառավարական հանձնաժողովում Պետբանկի և Կենտրոնական բանկի ներկայացուցիչներ ընդգրկելու, պատվիրակությունների փոխանակման, երկկողմ առևտրաշրջանառության աճի հետ կապված հարցեր։

Պայմանավորվեցին որ առաջիկայում ՎՍՀ Պետական բանկը ՀՀ դեսպանություն կուղարկի ՀՀ Կենտրոնական բանկի հետ համագործակցության Փոխըմբռնման մասին հուշագրի նախագիծ, որը դեսպանությունը կհամաձայնեցնի հայկական կողմի հետ՝ 2020թ-ին Երևանում կայանալիք Հայ-վիետնամական միջկառավարական հանձնաժողովի նիստի ընթացքում ստորագրելու նապատակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր